◄ عاوز تتجوز
للدكتور / محمد جاد
عاوزين نتكلم عن تكاليف الزواج اللى بقت حاجة كده فوق الخيال اسعار الشقق بقت عالمية المتر عدى 1100
الدهب عدى الـ 250 جنية ولسه بيقولوا عاوزين 100 جرام زى اختها
نتكلم على الوظايف الحكومية اللى على ما تاخدها تكون فى التلاتينات و تبدأ بمرتب فووووووووووووووق ال 200 جنية
تعالوا نحسبها بالورقه و القلم ال 200 جنيه هاتصرف منهم 5 جنيه يوميا على اساس انك هتصرف خمسه جنيه بس على الاكل و الشرب و الكهرباء وفاتورة التليفون( بلاش التليفون ) اصله من مظاهر النمو الاقتصادى اللى فى مصر
قول هاتشترى ب 1/2 جنيه عيش و 1/2 جنيه طعميه و 1/2 جنيه مخلل و 1/2 جنيه فول دا لو رضى يديلك
هاتركب مواصلات ب 2 جنيه اقل حاجة دا باستثناء اللى وظايفهم فى بلدهم
هايتفضل جنيه ياريت تستثمره فى اى حاجة وبلاش التدخين علشان ضار بالصحة
اقولك حطه فى حصاله و اقبضها 30 جنيه اخر الشهر و اشترى بيها 1/2 كيلو لحمة اول شهر و كيلو طماطم تانى شهر و انبوبة تالت شهر ولو ربنا كرمك اشترى بوتاجاز رابع شهر دا لو كان عندك تلاجة
لو ما عندكش ما تقلقش اشترى بالمشقلب
المهم انت كده صرفت 150 جنيه دا لو قدر الله انك ما تعبتش او جالك دور انفلونزا من اللى بتموت
هايتفضل 50 جنيه هاتخش بيهم فى جمعية مع زمايلك و هاتقبضهم 1000 جنية
ال 1000 جنيه هاتسددهم فى 20 شهر قول سنة ونص على اساس ان هايتفضل فلوس من ال 30 جنيه بتاعت كل شهر
يعنى علشان تشترى شقه لو ابوك مكانش بانيلك عمارة او امك عندها حتتين دهب محوشاهم و كمان لو مالكش اخوات على وش جواز
يعنى ان شاء الله الشقه باسعار اليومين دول
( اوضه و حمام و صالة و مطبخ ) هاتعملها بتاع 35000 جنيه يعنى لو قسمناها على الالف بتاع الجمعيه اللى فى سنة و نص يعنى هاتعملهم فى 700 شهر قول خمسين سنة
هانفترض ان مرتبك بقى 400 جنية ( افرح ياعم) بعد خمس سنين و الاسعار ثابته و الغاز متوفر و الطماطم موجوده و اللحمة عند الجزار
يبقى هاتعملهم فى 30 سنة بس و هى دى خطة الحكومة فى حل الازمة بتاعت المرتبات
بعد ال 30 سنة دول هاتجيب دهب زى جار خطيبتك ب 20000 جنيه بس هاتعملهم فى 7 سنين كمان
قول لما لاقيت الشقة بالسعر الرخيص دا و لاقيتلك عفش نص عمر ب 10000 جنيه و هاتتجوز بعد 5 سنين بس
فرضاً اتجوزت و خلفت هاتفعد عيالك فين و للا هاتدخلهم مدرسه منين دا لو مراتك مش شغاله
هاتوديه دروس خصوصية منين !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
فوق ....... اصحى انت نمت وللا ايه
عاوز تتجوز
لأ
احسن خففت مشكلة التضخم السكانى اللى بنعانى منه من 30 سنه احسنلك روح موت فى توشكى
وللا اقولك بلاش اصل الوليد بن طلال عامل جمارك على دخولها
ليست هناك تعليقات:
إرسال تعليق